Erla perla

Ég keyri um á Kíu og það ætti nú að segja margt um samgöngutæki Nicaragua. Ég segi svona, Kían er drossía miðað við margt þótt hún kallist seint kúl kaggi. Hér úir og grúir af alls konar ökutækjum og markmiðið er bara eitt: Að komast frá a-b. Uppi á þaki, aftan á palli, á hestbaki, í nautakerru eða hjólataxa, þetta virkar allt og setur skemmtilegan lit á annars alveg nógu crazy umferð!

Ég tók mig til í nokkra daga og myndaði hin ýmsustu samgöngutæki út um gluggann á ferð um borgina og útkoman er algjört æði!

Þessi sjón er mjög algeng, að troða sem flestum aftan á pallinn. Og þetta er ekki einu sinni rúta eða strætó, bara prívatbíll. Öryggisbelti, ha - hvað er það?

Já, jesús er ást

Hjólataxi er fljótleg og ódýr leið til að komast stuttar vegalengdir

krútt aftan á kerru

Bara bjartsýnn í seinnipartsumferðinni í Managua

Hestvagnar eru mjög algeng sjón út um allt

Nautsterkir

pallurinn er til að nota hann!

Lödur eru í uppáhaldi hjá mér, enda keyrði ég á sínum tíma um á einni slíkri. Hver man ekki eftir gula Lenna?

Það er nóg af Lödum hér og þessar tvær eru þær flottustu sem ég hef séð hingað til, ein gömul lögguLada og svo önnur vel pimpuð upp með krómi