Erla perla

Var að koma af djamminu með Gallup. Tókum keilu og dinner á eftir og getið nú bara hvað??!! Jú, jú, ég vann nú bara einstaklingskeppnina með stæl! Tók þessa massa-keilugæja og rústaði með 141 stig í skor. Reyndar ekki personal best en næstum. Ok, viðurkenni nú að þetta snýst um dagsformið en dagurinn í dag var alveg að vinna með mér. Ó, je. Ég er keilumeistari ligga ligga lái.

Annars er það helst að frétta að við Viggi erum búin að ákveða að flytja út! Og það bara strax síðla sumar. Ætlum að selja kofann og stefnum á nám í USA í haust. Þýðir ekkert annað en að fara að byrja á þessu. Viggi ætlar reyndar að byrja á því að vera heimavinnandi húsfaðir með krílið en svo kannski síðar meir taka einhvern skóla eða bara vinna svart í smiðnum. Ég fann þennan líka frábæra skóla rétt hjá L.A. í Californíu sem er akkúrat með námið sem mig hefur dreymt um. Hef ákveðið að taka doktorinn í menningarlegri mannfræði með áherslu á alþjóðar friðar og þróunarmál. Eitthvað fyrir mig. Og svaka praktískt - eða þannig! Við höfum verið að pæla soldið mikið í þessu og ég lét verða af því að sækja um núna í vikunni en umsagnarfresturinn rennur út á morgun. Fékk þessi líka fínu meðmæli bæði frá vinnuveitanda og kennurum svo þetta ætti að vera skothelt! Jei!!!!

Ég elska auðvitað Gallup en þetta er bara skref áfram. Gott fyrir krakkann og svona líka að alast upp í öðru landi og fyrir okkur að breyta til.

Ætla að heimsækja skólann þegar við förum út núna á næstunni. Hlakka ekkert smá til. Það var eiginlega Ella Dóra sem fékk mig til að spá alvarlega í þessu en hún og Atli eru jú flutt út og líkar ekkert smá vel. Hún er einmitt að byrja í sama skóla í haust í atferlisfræði. Oh, það verður svo gaman hjá okkur. Alltaf sól og sumar og frí frá Íslandi og Gallup í bili.

Svo þið sem eruð hér á landi fáið bara rétt að kíkja á krílið áður en við erum svo flogin út í ævintýrin......