Erla perla

Þá er maður búinn að fara í allsherjar sjæningu fyrir árshátíðina. Fór á T&G (ekki tonic og gin heldur Tony&Guy) í gær í hairdoo og það var æði. Oh, það er svo gott að fara í klippingu. Mér var hreinlega orðið verulega illt í hárinu það var svo langt síðan ég hafði farið. Ég er þessi týpa sem fer á svona 3 mánaða fresti. Tími hreinlega - og þarf ekki (er með svo svakalega gott hár segja þær!) að fara oftar. Ok, væri alveg til í það en þetta eru þvílík útgjöld svo ég læt þetta duga. Þá er líka svo rosalega gaman þegar maður fer. Ég er alla vega orðin partlí ljóska. Er með ljósa lokka út um allt í hárinu, svona undir, og ég er þvílíkt að fíla það. Settist bara í stólinn hjá henni Sigrúnu minni á T&G og sagðist langa í sumarlega breytingu og að mig langaði að vera töffari. Og voila - það rættist. Er þvílíkt sumarlegur töffari núna.

Fór svo í litun og plokkun á augabrúnunum hjá henni Birtu í Júníform og það er alltaf jafn æðislegt. Maður verður þessi þvílíka skvísa eftir að hafa farið í doo hjá henni.

Svo er það bara brúnkukrem og Akureyri here I come....